餘講
單元劇系列

創作【餘講】系列嘅構想係嚟自「被討厭的勇氣」呢本書嘅啟發。哲學唔係我哋嘅範疇，不敢班門弄斧。但係整本書當中祇係得一老一少兩個人嘅對話，呢一個模式十分有利於聲音劇。

餘講系列唔係講愛情，唔係喜劇，而係嘗試透過兩個人嘅對話帶出一啲訊息，或者係生活上學習到嘅領悟。從而引起聽眾嘅思考細味，甚至有嘢拎走。餘講一聽就聯想到「漁港」，呢個係香港當初嘅風貌，而字義上顧名思義係指茶「餘」飯後傾「講」帶出嘅話題。聽衆當作多「餘」攞嚟「講」嘅廢噏亦無不可🤣。

題外話：當初諗住做單元劇，係從資源同後期製作方面著眼。唔使連戲，時間成本相對低。今次諗住要一人掟一個劇本出嚟湊湊埋埋先搞掂。點知今次隊員們投稿踴躍，劇本連綿不絕，差啲要截止唔畀再寫，唔係「餘講」真係要出續集「餘響」😂。